ඔබ වහන්සේලා ප්‍රාර්ථනීය බෝධියකින් නිවේවා..

පූජනීය ගලිගමුවේ ඥානදීප (Galigamuwe Gnanadeepa Thero) ගරු කළ්‍යාණ මිත්‍රයන් වහන්සේ ගේ සහ පූජනීය කොත්මලේ කුමාරකස්සප (Ven Kothmale Kumarakassapa Thero) ගරු කළ්‍යාණ මිත්‍රයන් වහන්⁣සේ ගේ ජන්ම දිනයන් පසුගිය දිනවල යෙදී තිබුණි.

පූජනීය වල්පොල ගෝතම (Walpola Gothama Thero) ගරු කළ්‍යාණ මිත්‍රයන් වහන්සේ ගේ ජන්ම දිනය අද දිනට යෙදි ඇත.

ගරුතර ස්වාමීන් වහන්සේලාට මා විසින් කළ සියළු යහපත් කටයුතු වලින් ලද්දා වූ අනේකවිධ කුසලයන් සාධු සිතින් අනුමෝදන් කරන අතර‍, ඔබ වහන්සේලගේ ශාසන කටයුතු වැඩි දියුණු භාවයට පත් ව ලෝ වැසියන් එතෙර කරවීමේ අභිප්‍රාය සර්ව සාර්ථක වේවා යි මෙත් සිතින් පතමි.

ඔබ වහන්සේලා ප්‍රාර්ථනීය බෝධියකින් නිවේවා යන පැතුම ද මේ සමඟ එක් කරන අතර‍, ඔබ වහන්සේලා වැනි මහා උතුමන් මෙලොවට දායද කර‍, උස් මහත් කර‍, සසුනට දායාද කළ දයාබර මවුපිය දෙදනාවරුන්ට ද මේ සියලු උසස් කුසල සංස්කාරයෝ අනුමෝදන්ව නිර්වාණය වෙත පියනඟන පියවර ඇත්තන් බවට පත් වේවා යි කරුණා සිතින් ප්‍රාර්ථනා කරමි.

✍ Author: Ven. Kirulapana Dhammawijaya Thero

Date: 26.02.2024