Sujatha Puthra Meditation Center
Your Membership ID
එසේ මවුවරුන්ට අනතුරු වලට කලින් දරුවන් ගේ අනතුර දැනෙනවා යැයි කිසිම විද්‍යාත්මක සාක්ෂියක් ලෝකයේ තවමත් තහවුරු කර නැත.
නමුත් එසේ වෙනවා සේ පෙනෙන්නට හේතු කීපයක් නම් ඇත.
01. මිනිස් මොලය (විද්‍යාත්මකව) සැකසී ඇත්තේ හැඟීම් ඉක්මණින් රැහැන් ගත කිරීමට හැකි ආකාරයට ය. එනිසා මවුවරු දරුවන් සමඟ ඇති බැඳීම නිසා ඔවුන් නො දැනුවත්වම දරුවාගේ ආරක්ෂාව ගැන සිතයි.
නමුත් ඔවුන් එය සිතුවා කියා ඔවුන්ට සිතීමට නම් ඒ සිතූ සිද්ධි කීපයෙන් එකක් වී දරුවාට අනතුරක් විය යුතු ය. එතකොට ඔවුන් 'මට අද අමුත්තක් තිබ්බා වගේ' එකක් කියනු අසන්නට හැකි ය. එය නිතරම ඔවුන් ගේ මනසේ වැඩ කරන ස්වභාවයක් පමණි. අනතුරක දී මතු ව එයි.
02. අපි අපේ පවතින විශ්වාසයන් තහවුරු කරන තොරතුරු කෙරෙහි අවධානය යොමු කිරීමට නැඹුරු වීමට වැඩි කැමැත්තක් දක්වන නිසා මවකට දැනටමත් තම දරුවා ගැන කුමක් හෝ කනස්සල්ලක් දැනෙනවා නම්, හදිසි අනතුරක් පෙන්නුම් කරන අහඹු සිදුවීම් ඇය දැකීමට හෝ මතක තබා ගැනීමට වැඩි ඉඩක් ඇත. (කර්මානුරූපිව සකස් වන වටපිටාව හෝ දකින සිහින පවා)
මේ සම්බන්ධව මොලය ආශ්‍රිත ව පැහැදිලි කිරීමක් ද ඇත.
එහි අපට සිදුවන අනතුරු ගණනය කිරීමේ ක්‍රියාවලියක් පවතින කොට්ඨාසයක් ඇත. මාර්ගයක අප දෙසට වාහානයක් එන විට අප එම ස්ථානයෙන් බොහෝ විට ඉවත් වන්නේ එබැවිනි.
මේ අනතුරු සම්බන්ධව ද ගණනය වීමක් පසුබිම් ආශ්‍රිතව අපට මොලය ඇසුරෙන් ඇතත්‍, සිදු වන තුරු අප එය ගණන් ගන්නේ නැත.
සිත අවධිමත් නැති බව මෙයට ප්‍රධාන හේතුව යි. බටහිර විද්‍යාවේ දී මෙය Unconscious Mind යනුවෙන් දැක්වූවත් එය සිතේ අධිපති භාවයේ මදිකම නිසා මිසක්‍, අපට නො දැනෙන නිසා නොවේ. සිත අපට අදාල පණිවිඩය නිකුත් කර තිබ්බත්‍, අප එය ගණන් නො ගැනීම මෙයට හේතුවයි.
රහතන් වහන්සේ නමක ගේ මෙය සම්පූර්ණයෙන් වෙනස් වේ. උන්වහන්සේ ගේ සිත සියලු තැන් වල යට සිට ම උත්තේජනය වේ. අවධිමත් භාවය යනු එයයි.
03. එවැන් සිදුවීමක් දෙස ආපසු හැරී බලන විට, ඒ අවස්ථාවේ දී සැබෑ අනතුරු ඇඟවීමේ සංඥා නොතිබුණද, නරක දෙයක් සිදුවීමට යන බව අප දැන සිටිය යුතු බවට හැඟීමක් ඇති විය හැකි බව මානසික සිද්ධි පිලිබඳ කරුණකි.
එබැවින්, පෙරනිමිති පිටුපස භයානක විද්‍යාවක් හෝ මේ සමහරු කියා ඇති ආකාරයේ මැජික් එකක් හෝ නොමැති අතර, මව්වරුන් සහ ඔවුන්ගේ දරුවන් අතර ශක්තිමත් චිත්තවේගීය බැඳීම බලවත් හැඟීම් සහ දැනුවත්භාවය පිළිබඳ ඉහළ හැඟීමක් ඇති කිරීමට හේතු විය හැක.
අනතුරු පිළිබඳ පූර්ව සංජානන හැකියාවක් ඇති මව්වරුන්ට කිසිදු විද්‍යාත්මක පදනමක් නොමැත.
ඉදින් එසේ ඇත්නම්. ඔවුන් කිසිදාක එම අනතුර සිදුවීමට ඉඩ නො දෙනු ඇත. ධර්මානුකූලවත් එය එසේ ම ය.
✍ Author: Ven. Kirulapana Dhammawijaya Thero
Date: 19.04.2024