පොඩි එකෙක් හරි තැනක මහණ කළානම්..

පොඩි එකෙක් හරි තැනක මහණ කළානම් නොදැනුවත් කාලෙක හරි අනාගතයේදී ඒකෙන් වෙන්නෙ ඔහුටත් යහපතක්..

අන් අයටත් යහපතක්..

ඒකට හොඳම උපමාව හදන්න තමයි මම මගේම අක්කගේ පුතාව පොඩි කාලේ මහණ කලේ..

අද ඒ පුතා එක්ක හිටිය අය භාගෙට භාගයක් කුඩු ගංජා බොන සමාජයට අපරාධකාරයො.. හැබැයි මම මහණ කරපු පොඩි එකා අද සමාජයට සිල් ගුණ දම් රකින්න කියලා දෙන, තමනුත් සිල් ගුණ දම් රකින පින්වත් ස්වාමීන් වහන්සේ නමක්..

කථා දෙකක් නෑ.. උඹලා එළියේ ඉඳන් නොදන්න දෙයක් ගැන පම්පෝරි ගැහුවට ඇතුලේ කථාවේ යථාර්ථය ඒකයි..

මේ හැම එකකටම මහණකම අල්ලගන්නේ නිවැරදි දෙමාපිය ඇසුරත් නොලබපු අය විදියටයි සමාජය තුළ හඳුනාගැනෙන්නේ..

කථා කරනවානම් කොච්චර දේවල් තියෙනවා ද ?

01. පොඩි කාලේම ළමයින්ව සුන්නත් කරනවා.. (බලහත්කාරකමක්)

02. කන් විදිනවා.. (බලහත්කාරකමක්)

03. සෙමනේරිවල ළමයින්ට දස වද දෙනවා..

04. අඩු වයසින් කසාද බන්දලා දෙනවා..

05. ළමයින්ගේ ළමා කාලය විනාශ කරමින් බලහත්කාරයෙන් උගන්වනවා..

06. මේ වගේ ඕනම ශික්ෂණයක් නැති දේවල් සමාජයට දකින්න වෙනවා.

ඕවා කතා කරන්න කෙනෙක් නැති එකයි අපිට තියෙන ගැටලුව..

මට මතක් වෙනවා අපේ නායක හාමුදුරුවෝ කෙනෙක් මට කියපු කථාවක්..

"පොඩි හාමුදුරුවෝ, අපේ ගෙදර කොල්ලො අටක්.. කන්නවත් තිබ්බෙ නෑ.. අපේ නායක හාමුදුරුවෝ මාව ගෙනත් තමයි මහණකරලා විශ්ව විද්‍යාලේ යනකම් ඉගැන්නුවේ.. මම සීයට සීයක් සිල්වත නැතිව ඇති.. හැබැයි මම සමාජයට වරදක් කරන්නෑ.. ඒ අපෙ ලොකු හාමුදුරුවන්ට පින් සිද්ධ වෙන්න.."

එනිසා මහණකම ඇතුලේ අපිට ඇහෙන්නේ මේ වගේ කතා නිසා උඹලා එළියේ ඉඳන් නොදන්න දේවල් කථා නොකර කථා කරන්න පටන් ගනිල්ලා පොඩි කාලෙම උස්සන් ගිහින් බලහත්කාරයෙන් සුන්නත් කරන එක ගැන..

✍ Author: Ven. Kirulapana Dhammawijaya Thero

Date: 07.11.2022