භාග්‍යවත් බුදුරජාණන් වහන්සේ විසින් දේශිත සම සතළිස් කර්මස්ථාන වැනි ප්‍රකට කර්මස්ථාන කිහිපයකි. අප්‍රකට නමුත් කර්මස්ථාන ලෙස ගත හැකි න්‍යායන් නම් ගණනය කළ නො හැක්කේ ම ය. ඒ ප්‍රකට අප්‍රකට කර්මස්ථානයන් අතුරින් අප විසින් අප ගේ පැවිදි ජීවිතය තුළට ප්‍රායෝගිකව උකහා ගත් කර්මස්ථාන ගණනාවක් තුළින්, ශ්‍රාවක පින්වතුන් වෙනුවෙන් බොහෝ සාරවත් ප්‍රතිඵල ඇති කර්මස්ථාන තෝරා ගෙන ඔවුන් ගේ සංසාර විමුක්තිය පිණිස අවකාශයෙහි යොදවා ඇත්තේ ය. ඔබට පහත වගුවෙන් ඒ උඩුගත කර ඇති සහ කර නැති කර්මස්ථාන දේශනාවන් බලා ගත හැකි ය. භාග්‍යවතුන් වහන්සේ විසින් දේශිත නමුත් තවමත් අප විසින් විවරණය කර නැති ඉතා ස්වල්පයක් වූ කර්මස්ථානයන් කිහිපය ද ඔබට එම වගුවෙන් ම බලා ගත හැකි ය.

දැනට දේශිත සියළුම කර්මස්ථාන ඉහත නිල් පැහැයෙන් දිස් වන භාවනා කර්මස්ථාන ගොනුව යන බොත්තම ඔබා ඔබට ලබා ගත හැකි ය. 

​

​අප මේ කර්මස්ථාන දේශනාවන් යොමු කරන විට අදාළ නමින් ම දේශනාව යොමු කර නැති තැන් ඇතැම් විට ඔබට මෙහි හමුවිය හැකිය. නිදසුනක් ලෙස ආනාපානසති භාවනාව මෙහි ගිරිමානන්ද සුතුරෙහි සඳහන් පරියායෙන් දස සංඥා භාවනාවන් යන ශීර්ෂය ය​ටතේ ද, සමථ පූර්වාංගම විපස්සනාව යටතේ ද සියලු පරියායන් ආවරණය කරමින් දක්වා ඇත්තේ ය. තව ද සතිපට්ඨාන සුතුරෙහි පරියාය ද විස්තර කොට සුදුසු තැන ඇත්තේ ය. නමුත් වගුවෙහි දක්වා ඇත්තේ, අදාළ භාවනාවේ නියම නම පමණි. 

​

මෙහි ඒ නියම නම යොදා නැත්තේ, ඒ සියළු භාවනාවන් හුදු දේශනාවන් ලෙස නොව, වැඩීමට හැකි වන පරිදි භාවනා සැලස්මවල් සමඟින් මෙහි යොදවා ඇති බැවිනි. වෙනත් වැඩිහිටියන් සඳහා ආදී වැඩසටහන් වල ද අන්තර්ගත කර ඇත්තේ මේ විවිධ නම් වලින් ඇති සුදුසු භාවනාවන් ම වේ.