අභිධර්මය ඉගෙනීම යනු අභිධර්ම පිටකයට අයත් සප්තප්‍රකරණයන් ඉගෙනීම ය. නමුත් ආධුණික අයෙක්ට එක්වර ම සප්තප්‍රකරණයන් වැනි ගැඹුරු දහමක් ඉගෙනීම පහසු නැත. එනිසා පූර්වාචාරීන් වහන්සේලා විසින් සප්තප්‍රකරණයන් ඉගෙනීමට බැසීමට පෙර උගත යුතු විශේෂ ධර්ම කොට්ඨාසයන් විවරණය කරමින් අභිධර්මාර්ථ සංග්‍රහය නැමැති ග්‍රන්ථ රත්නය රචනා කර ඇත. අභිධර්මාර්ථ සංග්‍රහය මැනවින් උගත් අයෙකුට සප්තප්‍රකරණයන් ඉගෙනීමට ආරම්භ කළ හැකි ය. මේ අභිධර්මාර්ථ සංග්‍රහය ඉගෙනීමට රේරුකානේ චන්දවිමල වැනි මහා නායක හිමිවරු විසින් ග්‍රන්ථ කිහිපයක් ම පරිවාර ග්‍රන්ථ ලෙස රචනා කර ඇත. එවැන් ග්‍රන්ථ අතර අභිධර්ම මාර්ගය, අභිධර්මාර්ථ ප්‍රදීපිකාව, අභිධර්ම චන්ද්‍රිකාව, අභිධර්ම ප්‍රවේශය, අභිධර්ම ප්‍රකාශය වැනි ග්‍රන්ථ ඉතා උසස් තැන් වල ඇත. මේ දේශනා මාලාව සෘජුව ම අභිධර්මාර්ථ සංග්‍රහය විවරණය කරන දේශනා මාලාවකි. දේශනා මාලාව අවසානයේ ඔබට විභාගයක් ලැබෙනු ඇති අතර එය සමත් වන්නන් හට ශ්‍රී ලංකා අමරපුර සද්ධම්මයුත්තික මාතර මහා නිකායේ, අරිසිමල සාමග්ගි පරියත්ති සංවර්ධන සභාව විසින් පිරිනමන අභිධර්මාචාර්ය උපාධිය හිමිවනු ඇත. මෙම දේශනා මාලාව සාවධානව ශ්‍රවනය කොට, අවශ්‍ය පරිදි කෙටි සටහන් නිර්මාණය කොට ධාරණය කර ගැනීමට උත්සහ කරනු.
top of page
Sujatha Puthra Meditation Center
Your Membership ID
අභිධර්මාර්ථ සංග්‍රහය
bottom of page